Асыл өмір

Асыл өмір. Ғасыр өмір.
Мен өзіңе ғашықпын,
Бақтың беріп бұйыртқанын,
Несібемді тасыттың.
Демеп тұрып шыңға өрлетіп,
Бірден құзға құлаттың.
Бірде күндей күлімдетіп
Бірде оңдыртпай жылаттың.

Асыл өмір. Ғасыр өмір
Мен өзіңе ғашықпын.
Кейде жанды жадыратып,
Кейде ұялтып жасыттың.
Тоңдырса да суық күздер,
Қарсы ағысқа жүзбедім.
Өмір - дауыл арасынан
Жылы жерін іздедім.

Байлық беріп, бақыт бермей,
Біреулерді сынадың.
Бақыт беріп біреулерге,
Денсаулығын сұрадың.
Сонда дағы адам ынтық,
Осы өмірді сүруге,
Таңнан тілеп тəтті ғұмыр,
ДАЙЫН ЖЫЛАП, КҮЛУГЕ.
А. Алиева.

---