Өлең, жыр, ақындар

Өмір көшесі

Көшесімен өмірдің жүріп келем,
Ыстығына шарпылған "күйік" денем.
Желдерінен жаураған жүрегіме,
Жақсылықты жылытып жиып келем.

Үндемедім ренжітіп сөйлегенге,
Өкпелеттім өзгені кейде мен де.
Күндерім бар желменен жарысатын,
Кездер болды көнбеген сүйрегенге.

Түзуі мен соқпағын айырмадым,
Қанатымды дауылға қайырмадым.
Жолдарында өмірдің көп сүрінсең,
Қатаюға жақсы деп пайымдадым.

Көшесінде өмірдің күліп келем,
Бірде баяу, бірде тез жүріп келем.
Жәй жүрсем де құладым, жүгірсем де,
Бұрылыстар бөгерін біліп келем...

#Жүректегіжазбалар А.Алиева



Пікірлер (0)

Пікір қалдырыңыз

Өлеңім

  • 0
  • 0

Артымда қалсын өлеңім.
Өнерім, досым, сенерім.
Төзгенім аздық ете ме...
Алдымда шығар көрерім.

Толық

Таңнан тарту

  • 0
  • 0

Бұйыртпаса қалауыңды, налыма
Басқа нəсіп жазылған ғой бағыңа.
Жүрегіңді тазалап жат əр түні
ТАҢНАН ТАРТУ АЛУ ҮШІН ТАҒЫ ДА.

Толық

Асыл өмір

  • 0
  • 0

Асыл өмір. Ғасыр өмір.
Мен өзіңе ғашықпын,
Бақтың беріп бұйыртқанын,
Несібемді тасыттың.

Толық

Қарап көріңіз