Өлең, жыр, ақындар

«Жер-Анаға жедел жәрдем керек» деп...

  • 31.12.2021
  • 0
  • 0
  • 672
Қиял-ғажап аңсағаным үшін бе,
Кеңістікте жиі ұшамын түсімде:
Жер-Анамен жолығыппын кеше мен –
Домалақ шар пішіндес,
Мұндай халді кешпеген жан түсінбес...
Бір бүйірлеп соғып тұрды жел өкпек
Ұшып жүрдім жерді айналып өбектеп,
Тәңіріме жалбарындым түсімде
«Жер-Анаға жедел жәрдем керек» деп.
Жер төсінен тамшылады қан ағып,
Анық көрдім: қансырап тұр анамыз!
«Адамзаттың көз жасы мен қанынан» -
Деді-ау, маған «ауыр тартып барамын!».
«Адамдардың ең құрығанда, жартысы
Тату болған күнді аңсаймын салт үшін.
Бүгін түгел ата кәсіпке айналды:
Бөлшек-бөлшек бөлініп ап тартысу»!
Жер-Ананы бәйек болам жұбатып,
Күн шықса деп күтеді екем, таң атып...
«Сенің титтей алақаның жартымсыз
Жүрегінде сезінсе егер халқым сыз!
Әлем түгел ұстасып тұр, қарағым,
Содан болар, қанға бөгіп барамын!
Алақандар жұдырық боп түйіліп,
Содан болар, тесіліп тұр бүйірім...»
Осылай деп жер өксіді түсімде,
Жұбатысар кім бар, мұны түсінген!



Пікірлер (0)

Пікір қалдырыңыз

Қызыл шағыл

  • 0
  • 0

Бәрі есімде, қырда асыр сап өскенім,
Бақытты шақ, бал дәуренді кешкенім.
Еңкейсем де, әлдеқашан әже боп
Балалығым жадымнан бір өшпеді.

Толық

Құбажон далам, мен келген сайын

  • 0
  • 0

Құбажон далам, мен келген сайын
құбылаға қарай көсіліп, жатасың үнсіз,
тынығып жатқан қариядай қазір көз іліп.
Тірегім далам, білемін далам, сен атамзаманғы кәрісің,

Толық

Құрбыма...

  • 0
  • 0

Мұнша бітеу болармысың, шіркін-ай!
Әзер тұрдым көз жасымды іркіп-ай,
Мелшидім-ау тас төбемнен ұрғандай,
Қатыгездік шын балалап тұрғандай!

Толық

Қарап көріңіз