Өлең, жыр, ақындар

Айгөлекке

  • 31.12.2021
  • 0
  • 0
  • 737
Сендей дос менде ғана бар,
Мендей дос сенде ғана бар.
Жүрекпен ұқса досты – дос
Көңілің көркін таба алар.
Намысты бірге қорғасар,
Тарықсаң ойға ой қосар.
Қажысаң қайрат азайып,
Иығын саған ол тосар.
Бұлданбас шамаң келмесе,
Сағынар аңсап көрмесе.
Өзіңнен сені қорғайды ол,
Сынап көр оны, сенбесең:
Аптықсаң ашу қысқанда
Боратсаң қарғыс дұшпанға,
Құрбыңа қалсаң өкпелеп,
Ұнжырғаң түссе бөп-бөлек.
Нағыз дос сенің сөзіңді
Сөйлемес шашбау көтеріп.
Күнәға батпас жолды айтар,
Мәртебеңді марқайтар.
«Сайтанның сайқымазағы
арттырар демде еселеп
күпірліктің азабын.
Арашаны арыңа
сабырдан ізде, қарағым!»
Дей алса досың – асыл дос
Көңілің табар содан хош!



Пікірлер (0)

Пікір қалдырыңыз

Аға рухымен сырласу

  • 0
  • 0

Сенің жарың отырса,
Ойша өзіңмен сырласып,
Ойша өзіңмен мұңдасып,
Керегі жоқ тіл қатып,

Толық

Тебегендеу тұяқты мүкісінен таныдым

  • 0
  • 0

Тебегендеу тұяқты мүкісінен таныдым,
Әспеттеген асылды үкісінен таныдым,
Тілектесім келді деп, жігерімді жаныдым,
Бір құдырет қарасты, жүргенімде қамығып!

Толық

Халқым қалың жұрт атанса

  • 0
  • 0

Халқым қалың жұрт атанса,
Мен бір жалаң тінімін -
дәрежесі көкпен талас
хақ тұғырлы халқымның,

Толық

Қарап көріңіз