Айдарханға

Бір шөтке шаш –
Мақтанышы,
Мұрагері атаның,
Аты Айдархан сол мықтының,
Сұрап алар батаны.
Айдар шашы қайратты екен,
Көзқарасы айбарлы.
Тіл мен көзден аман өссін,
Шежіреге аты байланып.
Жиені боп бір мықтының,
Атын шығар алашқа,
Беріш сенің түпқазығың,
Ата жолдан адаспа!
«Сұлтаны боп өсер деген
Менің ұлым жігіттің»
Арманында жатыр әке
Ең ұлысы үміттің!
Ел үлгісін сақтай алсаң,
Әке үмітін ақтарың шын.
Алған батаң қабыл болсын,
Ырыс қонып, бақ дарысын!

---