Өлең, жыр, ақындар

Мерейтойы ақынның

  • 04.01.2022
  • 0
  • 0
  • 683
Мұқағали мұңын шаққан тегін бе?!
«Фаризажан, Фариза қыз...» Елуде!
Сыр бойынан,
Атыраудан,
Алтайдан
Ақ шағала — ақ тілектер келуде!
Қыз намысын жанын салып қорғаштап,
Қысылғанда жүріп кетер жол бастап.
Жыр-пырағын қамшыласа әр ақын
Ел жүрегі өршіл жырға толды асқақ…
Шалағайлар тиіп кетсе шамына,
Екінші рет жолай алмас маңына…
Тамырында Махамбеттің қаны ойнап,
Тастаған ол сан жүйрікті шаңына.
Жырын оқып жадырап бір жасап қап,
Ағалары мақтан еткен шашы аппақ.
«Ұрсады,- деп неге жазбай жүрсің?» - деп,
інілері кейде жүрер қашқақтап.
Үлкендерге жыр сыйлады том-томдап,
Дейміз, отты өлеңдері тартымды-ақ…
Балалардың баспасөзін басқарып,
Балаларға жазады апай там-тұмдап…

Алматы.
Желтоқсан, 1989 ж.



Пікірлер (0)

Пікір қалдырыңыз

Балға

  • 0
  • 0

Таңдап алған ыңғайлы
Балғам мені тыңдайды.
Күнде бір уақ қолға алып,
Бұлшық етті шыңдаймын.

Толық

Шырпы

  • 0
  • 0

Қырсық еді Пәзілбек:
«Білем бәрін өзім!»– деп,
Көнбей шеше ырқына,
Әуес болды шырпыға.

Толық

Тілек

  • 1
  • 0

Шөліркемей гүл тұрсын,
Жерім жайнап құлпырсын.
Нұрын сыйлап біздерге,
Көкте мәңгі Күн тұрсын.

Толық

Қарап көріңіз