Шәмшия Жұбатова

Кеттім құлап жылжып аққан ағысқа

Бұл бетте «Кеттім құлап жылжып аққан ағысқа» атты Шәмшия Жұбатова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

15.01.2022
0
0
851

Кеттім құлап жылжып аққан ағысқа,
Күнім, маған жанарыңды бағышта.
Қатар ақты мың сан тұлпар көсіліп,
Бір міні жоқ шабыста.
Қатар ақты мың сан тұлпар көсіліп,
Моншақ жанар көкжиекке тесіліп.
Қалып қойған төбелерге қарадым,
Бір арманым жететіндей кешігіп.
Қап-қара түн, қалғып қалған қара мұң,
Көздеріне оның тура қарадым.
Саған бүгін созсам қолым жетер ме,
Маң далаға маңып кеткен маралым.
Баурайында отау тігіп Шыңғыстың,
Мен тағы да жалғыз қалып, мұң құштым.
Жанарымды алдарқатып барады
Үміт оты секілденіп түнгі ұшқын.
О, түнгі ұшқын, шуағыңды себеле,
Сені сосын көтеремін төбеме.
Аждаһадай алға ұмтылып барамын,
Айырбас тау, ағысымды бөгеме.

Шәмшия Жұбатова кеттім құлап жылжып аққан ағысқа Шәмшия Жұбатова өлеңдері

Пікірлер (0)

Пікір қалдырыңыз

Жиі қойылатын сұрақтар