Өлең, жыр, ақындар

Жұлқынып, жібін үзді неше күрең

  • 15.01.2022
  • 0
  • 0
  • 616
Жұлқынып, жібін үзді неше күрең,
Бүгінім сәл естірек кешегіден.
Саулаған жапырақтың ортасында
Қыркүйек сағынышты кешеді рең.
Сансыз көп сәлем жолдап атырап, қыр,
Сарғайған жүрегімде жапырақ тұр.
Ойланып, ою тақққан отауыма,
Жалынды жастық шақтың отын ап кір.
Өскен ел, жасаулы әлем, дара шабыт,
Барады көз ұшында жараса ағып.
Жалғыз рет берілгесін бұл өмірді
Өткізген қандай жақсы тамаша қып.
Кеудеге қызыл түспен тағылған гүл,
Жанады лапылдаған лағылдан жыр.
Сан үнмен саз дауысты сағынышым
Босатты керуенін ағылған бір.
Көсіліп көшкен тізбек жоқ па тағы,
Қалайша оны біреу тоқтатады?
Сәске шақ сәлемімді алып тұрған
Таңдарды тамылжыған жоқтатады.



Пікірлер (0)

Пікір қалдырыңыз

Аспан түгел айналып, жер құлады

  • 0
  • 0

Аспан түгел айналып, жер құлады,
Ағытылып, лықсыды шер бұлағы.
Шер бұлағын тоқтатсам көзін тауып,
Ерттеп мінсем қайтадан Керқұланы.

Толық

Үміт керек саған да, маған-дағы

  • 0
  • 0

Үміт керек саған да, маған-дағы,
Жылтырасын сары шам бағандағы.
Үмітпенен жасарып жер дүние,
Үмітпенен жайнайды адам бағы.

Толық

Кең далаға жаяды күз қанатын

  • 0
  • 0

Кең далаға жаяды күз қанатын,
Түрі бар-ау күні ертең сызданатын.
Көлеңкелер көбейіп көлбең қақты
Жасыл жаздың дидарын қызғанатын.

Толық