Өлең, жыр, ақындар

Ақ жауын

  • 12.09.2021
  • 0
  • 0
  • 643
(Секен Тұрысбекке)

Құтқарушы періште кеп аспаннан,
Тазалыққа талпындыру басталған.
Қасиетпен жұлдыздарды суарған,
Жуып жатыр жердің үстін ластанған.

Бәрі мүлгіп, тазалықты бағалап,
Қашты лайсаң арықтарды сағалап.
Жудым мен де көңілімді кірлеген,
Шатырымды ұрған кезде сабалап.

Кірлегенін шын сезініп тұрса алап,
Тазарар ед, табар еді кім тағат.
Есіргендер билеп жатыр клубта,
Есігі мен терезесін тұмшалап.

Кірлегенін сезбейтінге қайранмын,
Тазарып ап оңашада ойландым.
Күй тілімен жуып кеткен біздерді,
Секен аға қолыңыздан айналдым!



Пікірлер (0)

Пікір қалдырыңыз

Қиялымды қайтейін

  • 0
  • 0

Қиялымды қайтейін көз ілмеген,
Сая таппай еш жерден безілдеген.
Қалай ғана кеткенсің біте қайнап,
Қуанышты, қайғылы кезімменен.

Толық

Мекеніңе сыйынам

  • 0
  • 0

Мекеніңе мен сенің сыйынамын,
(Қалжыраған жаныңның күйі мәлім)
Мекеніңнен жолықсам бір адамға,
Сағыныштың жасынан тыйыламын.

Толық

Жаралмапсың

  • 0
  • 0

Сағыныш пен өкінішті өңгеріп,
Келе жатқам ой меңдетіп сенделіп.
Жұбатпады мені арзан шаттықтар,
Жаралмапсың жұбатуға сен келіп.

Толық