Өлең, жыр, ақындар

Көрінгенмен кезінде ұсталығым

  • 30.07.2019
  • 0
  • 0
  • 1109
Көрінгенмен кезінде ұсталығым,
Бола аламын кідерге нұсқа бүгін?
Азды күнгі қызыққа алданумен,
Аңдамаппын өмірдің қысқалығын.
Қабақ түйіп кей құрбы, тымырайды,
Туған ұл да тіл алмай, қыңырайды.
Өткен күнді ұзатып оралмасқа,
Мезгіл шіркін зымыран – зымырайды.
Қармағыма қаракөз ілінбейді,
Қолын бұлғап, алыстан күлімдейді.
Көңілдегі көп ойды жеткізе алмай,
Өн бойымды өкініш тілімдейді.
Мықтымын деп мен кіммен таласамын?
Мүмкіндіктен көп төмен – аласамын.
Бастар едім бәрін де, бәрін қайта,
Қайта оралып келсе бір бала шағым...
Өкінумен осылай өтеді адам,
Келтіре алмай қисынын, кетеді адам.
Сен жіберген толтырып олқылықты,
Жеткіншегің артыңнан жетеді аман.



Пікірлер (0)

Пікір қалдырыңыз

Қарғаның кеңесі

  • 0
  • 0

Кандидат Қарға
Қонып ап талға,
Қырғиға ақыл айтты,
Ақылын батыл айтты:

Толық

Кезек күту

  • 0
  • 0

Келіндерді көбіне
Қарамай жосық-жөніне,
Кінәлаймыз тумайсың деп,
Ата салтын қумайсың деп.

Толық

Теңізші мен теңіз

  • 0
  • 0

Толқынменен құм жағаға шығып қап,
Қалжыраған Теңізші кетті ұзақ ұйқыға.
Ояна сап, Теңізге тиісті ол құйтыға:
«Сенсің, – деді, – бүлік нақ!

Толық

Қарап көріңіз