Өлең, жыр, ақындар

Қарақалпақ елінде

  • 17.01.2022
  • 0
  • 0
  • 712
Бүгін саған арналады асқақ ән,
Әму елі,
Есігім ең ашпаған.
Дарияңдай тасып тұрып көңілім,
Қосық1 оқып мен өзіңде йоштанам2.
Өткір алмас,
Ақ семсерін жастаған,
Айбатымен
Жаудың жүзін жасқаған,
Армысыңдар,
«Қырық қызы» Әмудің,
Гүләйімдей қолбасшысы бастаған!
Бәрің бірдей
Сауыққұмар,
Жырқұмар,
Сендер жайлы
Көкірегімде сыр тұнар.
Жаудыраған жұлдыздары Әмудің
Армысыңдар,
Апа-сіңлі, құрбылар!
Жүрегімде алаулаған жалын бар,
Сол жалыннан
Дос көңілімді таныңдар.
Келдім алып
Сырдың ыстық сәлемін,
Армысыңдар,
Қарақалпақ бауырлар!
Аспаның да
Көңіліңдей ашық тым,
Қарсы алады
Алтын нұрын шашып Күн.
Мен сіздерге жеткенімше асықтым,
Мен сіздердің бәріңізге ғашықпын!

1 Қосық – өлең
2 Йош – шабыт



Пікірлер (0)

Пікір қалдырыңыз

Кел, махаббат!

  • 0
  • 0

Жанарымды арбамай
Сағым болып,
Сорым емес,
Жанатын бағым болып,

Толық

Сезім гүлі

  • 0
  • 0

Көк аспан тұруы үшін
Жер қандай керек болса,
Бұлттардың ығуы үшін
Жел қандай керек болса,

Толық

Қаралы қоңыраулар

  • 0
  • 0

Бұл арада қайғы-зар, аңырау бар,
Көкірегіңді күйдіре жалын аунар.
Түтіні өшкен
Әр үйдің мұржасында

Толық

Қарап көріңіз