Қатира Жәленова

Жанарың сенің

Бұл бетте «Жанарың сенің» атты Қатира Жәленова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

17.01.2022
0
0
1307

Жанарың сенің...
Шіркін-ай, осы жанарың!
Көргенде
Көктің жұлдызы ма деп қаламын.
Келеді саған
Жаудырап қайта қарағым,
Келеді сені
Жаныма жақын балағым.
Қап-қара қасың
Бояуға малып алғандай,
Кіршіксіз мынау
Тістерің бейне маржандай.
Жалтылдап тұрған
Көзіңнен от жанғандай,
Жарқ етіп бір сәт
Алыстай бердің армандай...
Қоп-қою ұзын
Кірпігің қандай төгілген,
Тінтсем де қанша
Мін таба алмадым өзіңнен.
Жанары таза,
Тұп-тұнық мына көгімнен
Айналдым, жаным,
Жаудырап тұрған көзіңнен!
Көздерің сенің...
Шіркін-ай, осы көздерің!
Жаутаңдай бердім,
Бірақ сен оны сезбедің...
Амалым қанша,
Бақытысың сен өзгенің,
Қол ұстасып,
Ғаламды бірге кезбедің...

Қатира Жәленова жанарың сенің Қатира Жәленова өлеңдері

Пікірлер (0)

Пікір қалдырыңыз

Жиі қойылатын сұрақтар