Өлең, жыр, ақындар

Аңсаған менің әнімсің

  • 17.01.2022
  • 0
  • 0
  • 693
Бұрап тұрып
Домбыраның құлағын,
Сырлы саз боп
Көкірегіме құладың.
Өмір бойғы
Сағынышым едің сен,
Жүрегімнің
Дертін тапты-ау бұл әнің...
Бәрі-бәрі жадымда тұр жатталып,
Шертсең егер қос ішекті баптанып.
Әуел бастан
Әнге ғашық жүрегім,
Қалушы еді-ау,
Өртенуге шақ қалып...
Қос дауыспен әнге салсақ баяулап,
Ұйып қана тыңдайтын-ды бар аймақ.
Екеумізді
Сол күндерге оралтқан
Осы бір шақ
Біздер үшін аяулы-ақ!
Бірақ, бірақ...
Өрт ұшқынын тастама!
Жанарыңмен жанарымды жасқама!
Тек аңсаған
Әнім болып қал енді,
Тағдыр бізді қоспап еді баста да...



Пікірлер (0)

Пікір қалдырыңыз

Жаңашыл әкім

  • 0
  • 0

Жұртыңа бұрып бүйрегің,
Үміттің шоғын үрледің.
Кенжелеп қалған бар істі
Екпіндеп өрге сүйредің.

Толық

Құстар әні

  • 0
  • 0

Жауратты қоңыр бақтарды
Батыстан соққан күз лебі.
Жылы жақтарға асығып
Аттанды құстар тізбегі.

Толық

Күз

  • 0
  • 0

Жат жұртқа ұзап кеткен соң
Сыңсып қыз-көктем,
Жаз-аруды да ұзатып салып
Күз жеткен.

Толық

Қарап көріңіз