Өлең, жыр, ақындар

Күттім сені

  • 17.01.2022
  • 0
  • 0
  • 808
Ақ түтек, дүлей ақпанда,
Даланы ақ қар жапқанда,
Ақ қармен бірге келер деп
Ақ қайың шәлі тартқанда,
Күттім сені...
Сәуірдің таңы атқанда,
Үмітімді жалғап ақ таңға.
Көктеммен бірге келер деп
Тіршілік көктеп жатқанда,
Күттім сені...
Көкжиекке Күн батқанда,
Түн – ару есік қаққанда,
Бөлісер деп жан-сырымды
Серуен құрып бақтарда,
Күттім сені...
Найзағай ойнап аспанда,
Көк өзен тулап тасқанда,
Қыз – көктем келіп, далаға
Уыстап гүлдер шашқанда,
Күттім сені...
Арналып ізгі өлеңім,
Күткенім жалғыз сен едің.
Кешіккеніңмен, бәрібір,
Оралатыныңа сенемін!



Пікірлер (0)

Пікір қалдырыңыз

Сенің әнің

  • 0
  • 0

Оралмай жүрген жазым ең,
Таба алмай жүрген сазым ең.
Жолықтың маған ғайыптан,
Бұлбұлым жарқын наз үнмен.

Толық

Аппақ гүлдер

  • 0
  • 0

Далада қыс.
Аязды қатқақ күн де...
Ай нұрына шомылып
Аппақ түнде,

Толық

Жеттің, апа...

  • 0
  • 0

Жай тапқызбай
Мазалап жаныңды шын,
Сені тартқан қалаға
Сағынышың...

Толық

Қарап көріңіз