Өлең, жыр, ақындар

Шәмші рухына..

  • 23.01.2022
  • 0
  • 0
  • 1466
Қыз болып, қылымсынып танысқам жоқ,
Жігіт боп стақан да қағысқам жоқ.
Сенімен жақын едім, біліс ем деп,
Атағың шыққан кезде жабысқам жоқ!

«Туғаннан қам сүт емдік, піскен емес,
Күнәміз таудан үлкен, кішкене емес.
Тағы да сонша күнә қосса-дағы,
Тәңірім кешем десе , ештеңе емес!»

Дегенсің «күнә» аты басқа кезде,
Бүгінде жүрек – түтін, ақша – көзде!
Сен айтқан ұят – бұл күн – жарнама боп,
Көзіңді ұялтады баспасөзде!

Кімге айтам, жүректегі базынамды,
Өмірдің көбі кетіп, азы қалды.
Бірінің ел есінде қалғаны жоқ,
Жалдап пен маскүнемдер қажы барды!

Балықтай ауа жетпей қайраңдағы –
Қай талант тірісінде жайраңдады?!
Күнәсіз әулием – деп, табынайын,
Өнердің өлмейтұғын Пайғамбары!



Пікірлер (0)

Пікір қалдырыңыз

Алтынай (немереме)

  • 0
  • 0

Жылап келдің өмірге сен,
Келе сала жерінбе сен!
Өзіңсіз мен үш ұрпақтың,
Өкілі боп көрінбес ем!

Толық

Дос іздедім

  • 0
  • 1

Дос іздедім, сабылып, Төлегендей,
Дос іздедім, қалың жұрт елегендей.
Дос іздедім, қуансам құшақ жайып,
Дос іздедім, сүрінсем, жебегендей.

Толық

Тас жүректен махаббат күттім

  • 0
  • 1

Тас жүректен махаббат күттім,
Тас мейірден шапағат күттім.
Жанбады!
Көзімнің жасын сықтым.

Толық

Қарап көріңіз