Өлең, жыр, ақындар

Мен жазбаған бір өлең...

  • 17.09.2021
  • 0
  • 0
  • 622
Кейде бұлттай түнерем,
Кейде ғажап гүл өрем.
Түсіреді сан күйге,
Мен жазбаған бір өлең.

Айтқан кезде аспан ән,
Қияларға бастағам.
... Жанарымнан, сол өлең,
Жаудырады жасты әман.

Тұрған жандай табыттан,
Мұң көгенін ағытқам.
... Қуантады сол өлең,
Сәттерімде жабыққан.

Сезімдердің шынары ең,
Біздер ғашық бір әлем.
... Алпыс екі тамырды,
Әлі айналып жүр өлең.

Сүрлеуі оның – ойымда,
Оқылар ма тойымда?!
Салған мені күйге ерен,
Бір өлең бар бойымда.

Кейде бұлттай түнерем,
Кейде ғажап гүл өрем.
Жарқыл қағып қанымда,
Әлі де жүр бір өлең...



Пікірлер (0)

Пікір қалдырыңыз

Махаббаттың жазасы

  • 0
  • 0

Сен – айыптысың.
Жазаға тартыласың,
Содан кейін мәңгілік талқыдасың.
Білесің бе, жаным-ау, айыбыңды,

Толық

Тіршілік

  • 0
  • 0

Құлата да салатын,
Жылата да салатын-
ТІРШІЛІК.
Қуанта да салатын,

Толық

Кінәсіздер қорымы

  • 0
  • 0

Алланың бақ болған соң ұсынғаны,
Елімнің көгершін бе, ұшырғаны?
... Ана бір төмпешік не, айтыңызшы,
Теректі мекенінің тұсындағы?

Толық

Қарап көріңіз