Өлең, жыр, ақындар

Ерлікті аңсау

  • 24.01.2022
  • 0
  • 0
  • 1267
(аударма)

Жорық сап түнде көшелік,
Ямардың суын кешелік,
бұлақтан қанып ішелік,
жаудың бәрі қуылсын.
Жүйрікпен таңда жөнейік,
Будыраштың қанын төгейік,
Басымыл бегін көрейік,
жігіттер түгел жиылсын!
Қиқулап атпен шабайық,
семсер мен қалқан алайық,
дұшпанға ойран салайық,
аш жанынан түңілсін.
Қоршайық жаудың қамалын,
құртайық айла-амалын,
қиратып қару-жарағын,
қалжырап жерге бүгілсін.
Тоқты мен бөрі тең өссін,
хандар мен ерлер кеңессін,
әділет тусын, ел өссін,
қайғы жерден қуылсын!
Арғымаққа мінгізіп,
бес қаруды ілгізіп,
мәрт мінезбен жүргізіп,
жауға карсы сал мені!

МАХМУД ҚАШҚАРИ



Пікірлер (0)

Пікір қалдырыңыз

Шығарып салдың мені

  • 0
  • 0

Шығарып салдың мені:
аэропортта – ызы-шу, жан дүрмегі.
Қуаныш, мұң алмасып көңілімде,
жүрегімнің басталды бал күндері,

Толық

Мама

  • 0
  • 0

Түн еді. Жел соғып тұр
жанған оттай лапылдап.
Аспан асты шатырлап,
үйлер, тіпті, көпірлер

Толық

Көп жандарды кезінде бағаламай

  • 0
  • 0

Көп жандарды кезінде бағаламай,
сараламай, сұрыптап, дараламай,
содан кейін өзіміз өкінеміз,
бірақ уақыт тұрмайды – жаңарады Ай.

Толық

Қарап көріңіз