Ақырғы жол

(аударма)

Қансонарда елесің де
алыс кетіп, қамады-ау мұң.
Сен - оралмас кемесің де,
Мен - бос қалған жағалаумын.
Желкен, қарды бүркендің бе,
Жұтты ма әлде мұз сеңдері?
Жырақтағы шіркеудің де
әлсіз оты тұр сөнгелі.
Қаласа аппақ түз жолын кім –
кетер соның жетегінде.
Жалынды ұқпас мұз көңілдің
сезінерсін, не екенін де...
Қар жамылған жағалаудан
сүйген жүрек үні барсын,
Күртік қарға тағаланған
сол үн сазын ұғынарсың.

АЛЕКСАНДР БЛОК

---