Өлең, жыр, ақындар

Далада

  • 29.01.2022
  • 0
  • 0
  • 1188
(аударма)

Қеңдікті қүйып санаға,
ұқсайтын байтақ жағаға,
жаңғырықты да жер жұтып,
ізіңді құм мен жел жұтып,
жатаған жалғыз төбешік
қарақшы болған далада,
шыққанда шырқау Күн белге;
көлеңкең түспей
жүргенде,
жылдарға мылқау бағынып,
құмдардан көрпе жамылып,
сусыны қанбай жарылып,
сарғайып кеткен тың жерде;
жан бітер жапан жалғанға
шапағат шашқан таңдарға
дірілдеп шықтар тамбаған,
көсіліп жатқан аспанды
бұлт емес, бүркіт шарлаған;
құлазып жатқан белдерде
сыбырлап жалғыз жел-жеңге,
жаңбыр да қорқып сындардан
ғасырда әрең бір жауған
осынау байтақ жерлерде
жүргенбіз бес ай талықсып,
шаршадық, желмен алыстық,
шаң жұтып, терге малындық,
жылы үйді жайлы сағындық.
Қопарып жерді,
шарладық
даланың төсін,
шам жағып,
тапқанша суды тереңнен,
шөліркеп ерін кезерген,
үмітпен күнді жалғадық.
Қатыгез мекен исініп,
қарады бізге сүйсініп,
аңсаған шөлін қандырып,
аспанды жауып шарбы бұлт,
жаңбырдан кейін Күн шығып,
жайнады жадау тіршілік.
Жапанды жайлап таңғы үміт,
жанары жайнап жан кіріп,
теңіздер тартып шөлдерге,
жайқалтып егін белдерде
кетеміз жансыз далаға
Адамның ізін қалдырып!

ВЛАДИМИР ЦЫБИН



Пікірлер (0)

Пікір қалдырыңыз

Мақатаев туралы жыр

  • 1
  • 4

Бір өзі мұхит сынды жағасы арман,
ағысы жағасына жара салған;
толқыны, тасқындаса, тау қопарып,
жабықса, жусаннан да аласарған.

Толық

Көре алмай, іші күйіп жар сабаған

  • 0
  • 0

Көре алмай, іші күйіп жар сабаған
тыржиып жақтырмасын барша жаман.
Ал менің намысымды сырттай жыртып,
жүретін жақсы көріп қаншама адам!

Толық

Жаман үйдің қонағы

  • 0
  • 0

Жолаушыны қарсы алып,
күтіп-бақтық қонақтай.
Үй тазалап шаршадық,
шыбын-шіркей жолатпай.

Толық

Қарап көріңіз