Үзілген ән жалғассын

Махаббат әні үзілді,
Көңілге қоңыр күз келді.
Сыздатып баяу ауыртар,
Шаншып бір өтіп жаныңды.

Аяқталды бұл бір ән,
Жүрегім жараланған.
Қыстың қысқа күніндей,
Аязы мен боран қысқан.

Үзілген ән жалғассын,
Көктемдей жаның құлпырсын.
Мәңгілік болсын махаббат,
Лауласын ,оты сөнбесін.

Ғашық болған сәттерде,
Жадырайсың, жайнайсың.
Жүректің өзі гүлденер,
Жарқыраған жаз дерсің.