Ер соңымнан

(аударма)

Енді ешқайда кетпеймін мен, қимасым,
тек өзіңмен бірге болам,
жанарыңның тый жасын!
Чили үшін, өзім туған жер үшін,
қансыраған ел үшін,
тістену мен қыршын кеткен жандардың
алынбаған кегі үшін,
достар үшін, жанын қияр мен үшін,
өр теңіздің жағасында
еркін атар таң үшін,
бостандықтың жолындағы
ақтарылған қан үшін,
менменсіген топас жандар таптаған
азаматтың ары үшін,
еркіндікке талпынатын халықтардың
бәрі үшін,
бар сананы билеп алар
құштарлықтың күші үшін,
қып-қызыл боп қызықтырған
жалаулардың түсі үшін,
сен болмасаң ортаятын
бақыт үшін мендегі,
тірлік үшін мынау қара жердегі -
мен осында өзіңменен қаламын.
Ер соңымнан, күрес сен де, қарағым!
Алмас сынды жебесімен жұртымның
дұшпанымды нысанаға аламын!

Енді ешқайда кетпеймін мен, қимасым,
тек өзіңмен бірге болам,
жанарыңның тый жасын!
Чили үшін, өзім туған жер үшін,
қансыраған ел үшін,
тістену мен қыршын кеткен жандардың
алынбаған кегі үшін,
достар үшін, жанын қияр мен үшін,
өр теңіздің жағасында
еркін атар таң үшін,
бостандықтың жолындағы
ақтарылған қан үшін,
менменсіген топас жандар таптаған
азаматтың ары үшін,
еркіндікке талпынатын халықтардың
бәрі үшін,
бар сананы билеп алар
құштарлықтың күші үшін,
қып-қызыл боп қызықтырған
жалаулардың түсі үшін,
сен болмасаң ортаятын
бақыт үшін мендегі,
тірлік үшін мынау қара жердегі -
мен осында өзіңменен қаламын.
Ер соңымнан, күрес сен де, қарағым!
Алмас сынды жебесімен жұртымның
дұшпанымды нысанаға аламын!

ПАБЛО НЕРУДА

---