Өлең, жыр, ақындар

Сағындым, аға, сізді

  • 19.02.2022
  • 0
  • 0
  • 3225
Әди Шәріповтың рухына

Ардақты әке, асыл жар жанұяға,
сіздей адам болса ғой әр ұяда…
Біз қиналсақ, "қарағым" деуші едіңіз,
жүрмін Сізді сағынып, Әди аға!
Құйын-заман салуда тағы лаңын,
күзгі бұлттай қонады жаныма мұң.
Сәуле іздейді көңілім, Ағалардың
алақанын, мейрімін сағынамын.
Сан сұрақтар қаумалап қамалғанда,
тұңғиық боп көрінер дала, маң да.
Сирек тартып барады сондай сәтте
сүйеу болар бауыр да, ағалар да.
Тосатындай алдымнан жат аңғарлар,
қаулап өсіп келеді қатал жандар.
Жанашыры сиреген мынау елге
керек боп тұр дәл сіздей қаһармандар.
Еркін самғап шарлаған дала-түзді
құс сезуші ем өзімді қанаты ізгі.
Шақырмайтын секілді шырқауларым…
Шаршаудамын. Сағындым, аға, Сізді.
Сағындым, аға, Сізді…
1997



Пікірлер (0)

Пікір қалдырыңыз

Күн мен махаббат

  • 0
  • 0

Күн шықпайды түндерде, бұл — ақиқат қашаннан,
Күнді тіле, жалбарын — бәрі әшейін бос арман.
Таң атады кезінде, Күн де шығар сыланып,
шығар сәтте еш нәрсе сала алмайды бүғалық.

Толық

Он екі жыл өткенде

  • 0
  • 0

Айнакөл жатыр бабында,
Баяғы қалпы - көркі күн...
Тоқтаған мынау шағыңда
Неге сен қайта толқыдың?

Толық

Құстар қайда тұрады

  • 0
  • 0

Тұрар мекен таппайды,
кез келген жер жақпайды.
Тоқылдатып ағашты,
үй жасайды жарасты.

Толық