Өлең, жыр, ақындар

Мен де солдат болар ем...

  • 23.02.2022
  • 0
  • 0
  • 1255
Жауынгер боп Асқар ағам
өткен жылы кетіп еді.
Суретінде хатқа салған
шаттық толы көкірегі.
"Барады елден жеке мүлде,
не күтіп тұр жырақта алдан?" –
Әжем Асқар кетерінде
осылай деп жылап қалған.
"Тыныштықта жаман ырым
бастама,— деп ұрысты атам,-
ел қорғауға барады ұлың,
жоқ па одан да дұрыс батаң?!"
Көз алмадық бәріміз де,
киімі де қатқан қандай!
Күлімдеп тұр, әне, бізге
солдатпын деп мақтанғандай.
Атам айтты: "Асқаржаным,
солдат бопсың, жарадың!"— деп.
"Жоқ,— дейді әжем,— басқа арманым
аман жүрсе қарағым",— деп.
Апам орны басқа, бірақ
қуанды іштей о да керім.
Өссем екен шапшаңырақ,
мен де солдат болар едім…
1973



Пікірлер (0)

Пікір қалдырыңыз

Кеудеңе кек келгенде

  • 0
  • 1

Кеудеңе кек келгенде,
төріңде ой жатпайды.
Қанағат кеткен жерде,
қиянат ойнақтайды.

Толық

Үй

  • 0
  • 0

Ақ ордам үйім менің
Бөренемен мықындалған.
Сыятындай ішіне бүкіл далам,
әшекейсіз, өрнексіз ағаш үй-ді,

Толық

Мақат түні

  • 0
  • 0

Ақ сезім — ақ жаңбырға малындырған,
сен десе, арылады жаным мұңнан.
Жүрекке нәр құятын, ән құятын
Мақаттың сол бір түні-ай сағындырған!

Толық

Қарап көріңіз