Ән-жырымның арқауысың, Анажан! – Мәдениетқызы Ардақ

Жарық қылған әрбір атқан күнімді,
Тыныш еткен мейіріммен түнімді.
Маған өмір сыйлаған жан Анашым,
Құтты болсын мерекеңіз бүгінгі!

Жүрегімді жарып шығып самғаған,
Бұл өлеңді бір өзіңе арнағам.
Ешқашан да мұңаймағын, жан ана,
Өзім барда өміріңді жалғаған.

Мына ғалам, қазіргі сәт — өзіңіз,
Өзіңізбен өмір көрген көзіміз.
Біздер үшін қымбат асыл тастан да,
Шын көңілмен айтқан әрбір сөзіңіз.

Бар бақытты тілер арнап балашың,
Біздер үшін орны бөлек дарасың.
Сегізінші кереметі әлемнің,
Ән-жырымның арқауысың, Анашым!