Әкелердің ізімен

Жүріп келеді,
Тұрып көреді ұландар
Қаһарлы жолын әкелердің.
Жөнді сол жүйе, —
Содан басталмақ ұлы аңғар;
Онсыз мирасты әкелер кім?..
Өр мен төмендер,
Кәрі емендер, қайыңдар
Шертпес те сырын шешендердей.
Соларда бірақ...
Соларда бірақ пайым бар
«Жұмбақты шебер шешем» дердей.
Kөпip, өзендер,
Жолсыз кезеңдер, тас жолдар,
Тарихты бұзбай талдап айтар.
Солардан оқып
Ерліктің мұңын жас жандар,
Отаны жайлы ойды ұлғайтар.
Жазым, жарақат
Орнын қарақат, бүлдірген
Бұл күнде бүркеп жасырғандай.
Тастардың ғана,
Сол кезде сұлап үлгерген,
Ұйқысы әлі жатыр қанбай.
Жаудың күлі жоқ,
Жердің гүлі көп дөңдерде
Зираты қалған құрбандардың.
Мынау жас ұрпақ өзгертіп қайта өңдер ме
Құлыптастарын қорғандардың?
Айта көрмеңіз, —
Қайта көмбеңіз олардың
Оты жанса да лахаттардан:
Өшпейтін мәңгі
Шырағданы ғой ол ардың!—
Арлыдан бізге рақат қалған.
Неткен ұзын ең
Әке ізімен ұландар
Жыл сайын шеру түзген сапар!
Ұрпақпен бірге
Мені де апар, ұлы аңғар!
Ақырғы демім үзілгенше апар!

---