Сұрақтарға жауап

Неліктен артық сөзің арам астай,
Қойса да ертең доспен араны ашпай?
Қалғанын сезесің дос жүрегінің,
Бүгін дәл кешегідей араласпай.
Неліктен бip көргенде ұнатасың
Білмей-ақ, өз әкeciн, ұлы атасын?
Өзімшіл болмаған соң, болмысыңды
Онда бар, сенде жоқпен жұбатасың
Неліктен ұялшақ қыз көзқарасың
Көргенде соны өзіңнен қызғанасың?
Қызғынып epiктен тыс еркек қанын,
Ішіңнен тым дөрекі қозғаласың
Білмей-ақ, кімнің қанша түзепті iciн,
Неліктен әкімге сен iзeттiciң?
Лауазым ездің орны емес деген
Сенімнің босағасын күзетті iшiң.
Бойына айтқан ақыл бip сіңбейтін
Неліктен жаманым да жүрсің дейсің?
Бықсытып бip жағында ол жүрмесе
Бас шайқап беталбаты күрсінбейсің.
Сұраққа жауаптар көп бұл секілді,
Бұған тек әулекілер күлсе күлді.
Әулекі күлмес еді-ау,
Күйгелектеу
Бізде бар, өзінде жоқ білсе тілдi.

Қаңтар, 1997

---