Еркебұлан Серімханұлы

Күнге қарап

Бұл бетте «Күнге қарап» атты Еркебұлан Серімханұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Eramir__
24.03.2022
0
0
1950

Күнге қарап, тілеймін мен әрбір жанға бір тілек,
Тілегенде күнде маған жымиып-ақ бір күледі.
Нұрын шашар, жер жүзіне күнім менің көк тәңір,
Жылытады бар даланы бағы қылып бер тәңір.

Күнге қарап, күнде-күнде арманымды айтамын,
Терең ойлап өмірдегі көзқарасты байытамын.
Шуақ көріп, жасыл шөптей жусан болып жайқалдым,
Иісі оның көпке жетер хош иісін байқа күн.

Күн жарығы жүректегі мұңдарымды күйдірер,
Әсерімен әр тараптан әсем сазды сүйдірер.
Тамашасын табиғаттың барша жұртқа көргізер,
Құдіретті күнім менің шапағатын тигізер.

Тылсым сыры табиғаттың адамзатқа тағылым,
Күннің сыры көпке мәлім, жарығы ұзақ шақырым.
Күнге қарап, ылғи өзім қолды созып ұзыннан,
Болашақтан келетін бір бақытымды шақырдым...

#күн #өмір #табиғат #үміт #Еркебұлан_Серімханұлы күнге қарап Eramir__ өлеңдері

Пікірлер (0)

Пікір қалдырыңыз

Жиі қойылатын сұрақтар