Өлең, жыр, ақындар

Мендей сүйсе...

  • 30.03.2022
  • 0
  • 0
  • 635
Өмірдің мен де мейман қонағымын,
Аңдайтын жолаушымын жол ағымын.
Тең тұрар төрағасы болсам деймін,
Қазақты сүйетіндер Одағының!
Қыранның қуат беріп қанатына,
Ары пәк, кір келтірмес ел атына.
Өмірлік өлеңіммен дауыс берем,
Қазақты сүйетіндер Сенатына!
Қыранның шың басында қалды ұясы,
Әр тауы қымбат маған әр қиясы.
Тіркеңдер, мені әуелі құрылса егер,
Қазақты сүйетіндер партиясы!
Ел десе ағытамын қол-бұлағын,
Дариялар арналарын толтырамын.
Қазақты сүйгендерден бәйге болса,
Өзімен Президенттің тең тұрамын.
Тұңғиықжұмбақиірім, көрмей алаң,
Ел десе, теңізді де тербей алам.
Білмеймін, бар ма, жоқ па бұл өмірде,
Қазақты сүйген шексіз мендей адам.
Ел үшін тартқан тозақ, сөз бе азабың,
Мен қалай көкжиектен көз жазамын.
Тауларым биіктер ед, Дала кеңіп,
Әр қазақ мендей сүйсе, Әз Қазағын!



Пікірлер (0)

Пікір қалдырыңыз

Көлеңке

  • 0
  • 0

Дені сау ма?.. Әлде өзі масаң ба еді?
Мінезі, мінез емес, қасаң да еді: —
Көзіңше, көз алдыңда көлеңкеңді
Мыжғылап табаныммен басам,— деді.

Толық

Испания түні

  • 0
  • 0

Толқыныма толқын қосты көңілім,
Мазмұныма мазмұн қосты өмірім,
Испания түні маған сыйлады,
Қия алмайтын бір жұлдызын көгінің.

Толық

Ассалаумағалейкүм, жаңа Астанам

  • 0
  • 0

Бет алған Астанаға жол басы деп,
Ақмолаға келгенім алғаш рет.
Сақтаймын деп ордалы кіндік жұртын,
Қазағым тартқан талай сан қасірет.

Толық

Қарап көріңіз