Өлең, жыр, ақындар

Ассалаумағалейкүм, жаңа Астанам

  • 31.03.2022
  • 0
  • 0
  • 977
Бет алған Астанаға жол басы деп,
Ақмолаға келгенім алғаш рет.
Сақтаймын деп ордалы кіндік жұртын,
Қазағым тартқан талай сан қасірет.
Азаттықтуы үшін алас ұрдым,
Еркін дәмін татам деп қара судың.
Ат басын бұрған бері Ақмолаға,
Арманы болған талай Алашымның!
Жайқалып сонадайдан көрінді орман,
Қазақпын Тәңір қолдап жолым болған.
Жиырмасыншы ғасырдың басында осы,
Астана шеру тартқан Орынбордан.
Қазағым – қазақ атын қақты есікке,
Ұрпағың жата ала ма жат бесікте.
Астанам Сыр бойына қоныс тепті,
Орынбор төрін сыйлап Ақмешітке.
Жұлдыздар қия шыңнан көрінді анық,
Қайда апарып соғады өмір барып.
Ақмешіт Алатауға төр сыйлады,
Қазақтың зиялысы шоғырланып.
Бірлік болмай халқыма бақ қона ма?!
Ағайын араласпай жат бола ма?!
Алматыға рахмет кіндік жұрты
Астанасын сыйлаған Ақмолаға!
Ақмолам ертеңіңді көрдім анық,
Жұлдызы жансын биік елдің жарық.
Ассалаумағалейкүм! ЖаңаАстанам
Ақындардың сәлемін келдім алып!...

27 ақпан 1998 жыл
Ақмола шаһары



Пікірлер (0)

Пікір қалдырыңыз

Сәулесінен күн басқа

  • 0
  • 0

Сәулесінен күн басқа,
Бәйтеректен гүл басқа.
Бар әңгіме – әйелде,
Қыз бен Ана бір басқа.

Толық

Оянсам ойландырып таң тұрады

  • 0
  • 0

Оянсам ойландырып таң тұрады,
Жүректе сиқырлы бір ән тұрады.
Тоңып-мұздап күздегі жапырақтай,
Жаным менің неліктен қалтырады?

Толық

Британия империясы

  • 0
  • 0

Жорықтардың жолдар көзі сан сала,
Сан ғасырлар айғақ ізі қалса да.
Аш көзденген қан қылыштан тамса да,
Ұлы Британ иелік еткен отарлар

Толық

Қарап көріңіз