Өлең, жыр, ақындар

Бұрылып бір сәт қайыңды баққа қарашы

  • 01.04.2022
  • 0
  • 0
  • 700
Бұрылып бір сәт қайыңды баққа қарашы,
Шалқытып өтіп махаббат тұнған арасын,
Көз алдымда көлбеңдей ұшқан аққудай,
Жастығым жайсаң, жайраңдап өтіп барасың.
Кеше ғана өзің кеп қонған ұямын,
Амалсыз тағы ініге сені қиямын.
Менен де үркіп барасың-ау, қайран жастық шақ,
Қағынан безген киіктей, зырлап тұяғың.
Кейінде қалған жолдарға қарай өткізіп,
Қол бұлғап қалды үкілі бақтай көп қызық.
Жанарыңды сан қызға қарай телмірген
Бір жүрек шіркін бәрін де соның кетті үзіп.
Келер күннің бақытын алдан армандай,
Балконнан карап тұратын қайран шалдардай,
Қоштасып жастық қаламыз ба екен біз де осы,
Күзде ұшып кеткен құстарға қарап қалғандай.
Махаббат – шәрбәт іштім бе екен бір қанып,
Кеудемде шерлі айтылмай қалған сыр қалып,
Арманым болған періште сезім көзінде,
Барады-ау қайран бақытты жастық ұрланып...



Пікірлер (0)

Пікір қалдырыңыз

Ассалауғыма әлейкүм, Елім, Жұртым!

  • 0
  • 0

Ассалауғыма әлейкүм, Елім, Жұртым!
Туған күнім, ағайын, менің бұл күн!
Амандасып қалайын өздеріңмен,
Өзендей өте шығар Өмір бір күн.

Толық

Күйшінің құлағы

  • 0
  • 0

Күйлерден сылқым әуен назды естігем,
Қаңқылдап ұшқан аққу-қазды естігем.
Өзіндік ерекше бір күйші әлемі,
Өзінен ерте туған сазды естіген.

Толық

Ата мекен - аралым

  • 0
  • 0

Анамбысың, әлде сен бабамбысың?
Аспаныңнан көз салған саған құсың.
Жер-ананың көгілдір жанарындай.
Ата мекен, Аралым, аманбысың?

Толық

Қарап көріңіз