Өлең, жыр, ақындар

Болашаққа хат

  • 08.04.2022
  • 0
  • 0
  • 1842
Болашақ! О, Болашақ! Сен қандайсың?
Жұлдыз болып алыста жанғандайсың.
Шомылып сәулең Сырдың толқынына,
Аралдың айдынына тамғандайсың.
Болашақ! О, Болашақ! Сен қандайсың?
Жайқалған жапырағы ормандайсың.
Байқоңырдан басталған ұлы жолмен
Ғарыштан жаңа оралып қонғандайсың.
Болашақ! О, Болашақ! Сен қандайсың?
Өзіңе ғашық етіп, жанды арбайсың.
Келеді алдымызда жаңа ғасыр,
Ел-жұртым, ұлы көшке қамданғайсың.
Болашақ! О, Болашақ! Сен қандайсың?
Бүгініме сен ертең таңқалмайсың.
Көрсем деп көре алмаған бабаларға
Жетем деп жеткізбеген армандайсың.
Осылай Ақ боз үйім, қара ошақпен,
Бір кешіп жалаң аяқ бала шақпен.
Сырласып отырамын Бүгініммен,
Сырласып отырамын Болашақпен!



Пікірлер (0)

Пікір қалдырыңыз

Жақсылыққа жаны құмар жылы өңі

  • 0
  • 0

Жақсылыққа жаны құмар жылы өңі,
Шуақ тектес болғасын ба жүрегі,
Ауыл біткен қария деп құрметтеп,
Жүрегі оның дария деп жүреді.

Толық

Сағынумен күн жатты

  • 0
  • 0

Сағынумен күн жатты,
Әйел – сұлу сымбатты.
Сағынумен түн батты,
Әйел – арман қымбатты.

Толық

Қайырымсыз ажал деген шіркін келіп

  • 0
  • 0

Қайырымсыз ажал деген шіркін келіп
Уыздай бір ұяның шырқын бөліп.
Сәби жүрек атанды тұлдыр жетім,
Әкесі мен шешесі бір күнде өліп.

Толық

Қарап көріңіз