Өлең, жыр, ақындар

Теңіз шықсаң әрі ұзап

  • 10.04.2022
  • 0
  • 0
  • 655
Теңіз шықсаң әрі ұзап,
Ащы суда – шөлдесің.
Арал деген аңызақ,
Желге ұстаған кеудесін!..
Біле-білер бәрін кім,
Арқамызда жүр қамшы.
Өркеш-өркеш нарын құм,
Су сұраған бір тамшы.
Тағдыры үнсіз орманмен
Теңіз жүздім толғана.
Теңіз үсті болғанмен,
Теңіз дағы шөл дала.
Кемеден бір түсе алмай,
Ақиқатқа қанықшы.
Теңіз ащы, іше алмай,
Аңқасы кепкен балықшы.
Дала да шөлдеп жатады,
Теңіз де шөлдеп жатады,
Сағынып таңым атады,
Қия алмай күн батады.
Тамшыда тірлік – біле біл,
Таңдайға тисе – тірегің,
Далам – теңіз арасы –
Шөл кернеген ұлы Өмір!



Пікірлер (0)

Пікір қалдырыңыз

Жазушылар үйі

  • 0
  • 0

Құдіретті күмбірлеген күйі-жыр,
Талант-дарын Алла Құдай сыйы бұл.
Әдебиеттің мешітіндей
Қасиетті Жазушылар үйі бұл.

Толық

Дүниені жалт қаратсам деп едім

  • 0
  • 0

Неткен жұмбақ шексіз аспан көк едің,
Ғалам деген қандай ғажап кең едің.
Жүрегімнен өлең сыйлап өмірге,
Дүниені жалт қаратсам деп едім.

Толық

Сезбейтін-ді жан адам

  • 0
  • 0

Сезбейтін-ді жан адам,
Тұратын-ды терезелер сырласып,
Қарсы үйдегі сұлу қыз бен жан ағам,
Қарасатын ұрласып.

Толық

Қарап көріңіз

Басқа да жазбалар