Өлең, жыр, ақындар

Айналдым сенен, аппақ қар

  • 11.04.2022
  • 0
  • 0
  • 953
Талай қыс өтті, талай жаз,
Маусымдық ғұмыр қалай аз,
Айналдым сенен, аппақ қар,
Айналдым сенен, сарыаяз!
Сарыаяз қолын тұр сілтеп,
Есікті ашпас кімсің? – деп.
Үлпілдеп жауды аппақ қар,
Үлпілдеп жүрек дүрсілдеп.
Сезімнің бұлтын аудырып,
Аққардан әсем тау құрып,
Аяулым, келдім мен саған,
Алдыңа ақ қар жаудырып.
Жер бетін малып ақ қарға,
Жапалақ ақ қар жапқанда,
Билігін құрар қыс патша,
Желтоқсан, Қаңтар,Ақпанда.
Жастықпен ғұмыр кешкен ек
Ерте ме, әлде, кеш пе, деп.
Терезең қақтым, махаббат,
Аязбен әйнек кестелеп.
Сезімнің бұлтын аудырып,
Аққардан әсем тау құрып,
Аяулым, келдім мен саған,
Алдыңа ақ қар жаудырып.
Көрсетіп шыңдар өркешін,
Қарсы алды боран еркесін.
Таулар да ақ қар жамылған
Далам да қымтап көрпесін.
Көрдің бе өмір өлшемін,
Аппақ қар жаным бөлшегім.
Есікті қақтым, махаббат,
Жаңа Жыл болып мен сенің.
Сезімнің бұлтын аудырып,
Аққардан әсем тау құрып,
Аяулым, келдім мен саған,
Алдыңа ақ қар жаудырып...



Пікірлер (0)

Пікір қалдырыңыз

Балықшының бір сәті

  • 0
  • 0

Тал түс еді, тас төбеден күн қызып,
Үйір-үйір үйрек-қаздар жүр жүзіп.
«Оқжетпесте» — сексен көлдің бірінде,
Балық аулап ермек еткем бір қызық!

Толық

Атбегі

  • 0
  • 0

Қастерлейді қазағым — сүйеді ұлтым
Ноқтасына қашанда ие жұртым.
Мінсең – көлік, жесең – азық, ішсең – сусын,
Төрт түліктің ішінде түйе – жылқым.

Толық

Муза — менің мұратым

  • 0
  • 0

Муза, сен мұратымсың, мұң-қайғымсың?
Мұң-қайғымды сен бірақ тыңдаймысың?
Арманның ащы дәмін жұта-жұта,
Өкініп өтер ме екен бұл байғұсың?

Толық

Қарап көріңіз