Өлең, жыр, ақындар

Күз демі

  • 13.04.2022
  • 0
  • 0
  • 967
Күздің алтын жапырағы сарғайды,
Алтын сәуле жанарыңды арбайды,
Алтын шапақ арайланып батады,
Алтын таңым жүрегімді жалғайды.
Күздің демі бірде жылып, бір мұздап,
Содан ба әлде жүрегім де жүр сыздап,
Жапырақтар жаурап үнсіз тіл қатқан,
Мен де үнсізбін, мен қалдырған үнсіз бақ.
Күз әлемін күзге енгенде сезіндім,
Тамшылайды жаңбырлары сезімнің,
Күмән ойнап бержағында жанардың,
Сағым ойнап аржағында көзімнің.
Жел желпіді. Сар жапырақ үзілдің,
Түнергендей бұлт тартқаны жүзімнің,
Келе жатыр сапар шегіп күз баяу,
Іштей тынған жұмбағы көп күзімнің.
Аққу құстар қанатымен жүзді аспан,
Күзгі тірлік, күзгі бояу, күзгі аспан,
Алда ақ қар, қыс аязы мұз басқан,
Жадымдағы кейін қалған із – дастан.
Әуеніңе айналайын салшы әудем,
Жүрек дос қой Тәңір қолдар жан саумен,
Күз дегенің сағыныш қой сары алтын,
Көктем-жазын бара жатқан аңсаумен!..



Пікірлер (0)

Пікір қалдырыңыз

Сұлу көздің қарашығы – лирика

  • 0
  • 0

Сұлу көздің қарашығы – лирика,
Таңда түскен дала шығы – лирика.
Елжіреп жан езілгені – лирика,
Ғашық жүрек сезімдері – лирика.

Толық

Көңілім әлі жүйрік

  • 0
  • 0

Қыруар нар-өркешті қырды асса да,
Қуат бар қуып жетер кім қашса да.
Көңілім әлі жүйрік тұлпардайын,
Еңсемді талай өткен жыл басса да.

Толық

Шөл далада бәрі бар

  • 0
  • 0

Шөл далада бәрі бар,
Әр күн атар таңы бар.
Мекен еткен адам мен
Аңдар менен жануар.

Толық

Қарап көріңіз