Құдірет қызына

Көрсем мен сенің бейнеңді
Бейуақта бейіш төрінен,
Өртесең менің кеудемді
Есті алып сиқыр өңіңмен,
Қызықтың бәрін жердегі
Ұмытар жандай көрінем.
Көзіңнің мөлдір түбінде
Тұнады тыныш бір жалған,
Ұнайды мақпал үнің де,
Шыққандай алыс шыңдардан,
Өкпеңде, назды күйіңде
Шабыт тұр хақтан нұрланған.
Қайтейін, жүрсің жырақта,
Жұлдызың маған жанбаған.
Бар шығар біреу бұ жақта
Мен үшін басын байлаған,
Сұлусың, әттең, бірақ та
Сүйікті болу қайда одан!

---