Өлең, жыр, ақындар

Досым В. Ш-ға

  • 18.05.2022
  • 0
  • 0
  • 613
"Жақсы күнге дейін аман болалық!"
Деген едің қоштасарда қол алып.
Алданыппын, күпті боппын мен бекер,
Ондай күндер келмейді, дос, ол анық.
Асыл досым! амал қанша көнбеске,
Айналдым мен болашаққа сенбеске.
Болғаны рас қуанышты күндердің,
Бірақ олар кеткен қайтып келмеске.
Өткен өмір пайдасы жоқ сан сұрақ.
Арттағыға алаңдама сансырап.
Сияқты ол жағалауға шақырған
Түпсіз тажал теңіздегі шамшырақ.
Білемін мен, білемін мен о жағын,
Ескекші жан женіп теңіз тажалын,
Көрер болар жақын тұрған жаға мен
Жағадан да жақын қалған ажалын.
Жетеді енді! Құр қиялды қоялық!
Болды көңіл қызыл қанға боянып;
Ғажап түсін жаңа көре бергенде
Кетеді, әттең, сорлы жүрек оянып!



Пікірлер (0)

Пікір қалдырыңыз

Таусылса демім ақырғы

  • 0
  • 0

Таусылса демім ақырғы
Ғайыптан түнек тап болар,
Шыбындай жаны ақынның,
Бақиға мәңгі аттанар;

Толық

Олар сүйді бірін-бірі сонша нәзік, әрі ұзақ

  • 0
  • 0

Олар сүйді бірін-бірі сонша нәзік, әрі ұзақ,
Жүректерде құштарлықтың қара дерті азынап,
Бірақ соны мойындауға жауласардай сескенді,
Сондықтан да махаббаттан беріспеді еш белгі.

Толық

Бесіктегі сәби

  • 0
  • 0

Шіркін-ай, сәби бақытты-ау,
Бесікте еркін керілер,
Есейген ертең уақытта
Дүниең тар боп көрінер.

Толық

Қарап көріңіз