Өлең, жыр, ақындар

Шөлдесем мен қарындас пен бауырға

  • 07.06.2022
  • 0
  • 0
  • 504
Шөлдесем мен қарындас пен бауырға,
шөлдесем мен найзағайлы жауынға,
тартып кетем қара жолға түсiп ап
Табиғат деп аталатын ауылға.
Жұлдыздарын көк төсiне iлгiзiп,
күтiп алар қойынына кiргiзiп.
Қыдыртады түйелердей маңқиып,
жоталарым өркешiне мiнгiзiп.
Байқап қалсам шөлдеген шөп сартабын,
арық қазып солай қарай тартамын, –
шалғындардың арасымен сүйретiп,
бұлақтардың бұйра толқын арқанын.
Үңiлем де өзiмнiң мен жаныма
жырласын деп, жарылсын деп ағынан,
жүрегiмдi аламын мен қыздырып,
қызғалдақтың алау қызыл шоғына.
Кезiп кетем қырат, тау мен тасты да.
Жел шайқалтып жуар келiп шашты да.
Жалғыз ағаш бауырына ап сонан соң
көлеңкесiн төсеп берер астыма.



Пікірлер (0)

Пікір қалдырыңыз

Әулекі

  • 0
  • 0

Сыймайсың аспан асты, жер бетiне.
Даярсың түкiруге ел бетiне.
Өңештi кепкен көндей жыртатұғын
Тап болдық сен сияқты әулекiге.

Толық

Қайда тығылам?

  • 0
  • 0

Жерден көтеріліп
Ұшайын деп ем
Бір пәлелер
Қанатымнан басып

Толық

Күндердің күнінде

  • 0
  • 0

Өмiрге құштар ақын,
Жан-жүрегiн
Қайғы-мұң қысқан ақын,
Күндердiң күнiнде –

Толық

Қарап көріңіз