Осынау өмiр, жалғанда

Осынау өмiр, жалғанда
азайсын деймiз бүлiктер.
Көбейсiн деймiз Армандар,
көбейсiн деймiз Үмiттер!
Көбейсiн деймiз каналдар,
көбейсiн деймiз алаңдар,
көбейсiн деймiз адамдар.
Қөбейсiн деймiз,
көбейсiн! –
Осы ойды мәңгi ақсатпа:
бар жағың толып жақсы атқа,
көбейсiн ұлы мақсат та!
Жоқ болып мүлде қарғыстар,
көбейсiн деймiз алғыстар.
Көбейсiн деймiз,
көбейсiн!
азайып кеткен аң-құстар.
Жойылып мүлде жамандық,
жойылып мүлде арамдық,
көбейсiн деймiз,
көбейсiн!
Жақсылық пенен Адалдық.
Осы оймен мәңгi жасаймын,
осы ойды мәңгi қашаймын!..
Қарашы
әне, бейне бiр
символы құсап осы ойдың.—
алыстан асқақ көрiнген,
шаншылып биiк көгiмде
Көп қатарлы үйлер тұр
көбейту кестелерiндей.