Нөсер алдында

Жүгiрдi ана сырттағы баласына,
келдi бiреу жаға ұстап тобасына.
Салдыр-гүлдiр домалап әлдене жүр,
бұлт пенен аспанның арасында.
Бұлттардың үстiмен қатынаған,
әлдене жүр күркiреп шатынаған.
Бұлт бiткен шыдамай салмағынан,
найзағай боп сөгiлiп қақыраған.
Құбылыс қой талайдан көрмеген бұл;
найзағайын сiлкiнтiп сермеген бiр,
не екенiн бiлмедiм
бұлт үстiнде
салдыр-гүлдiр домалап әлдене жүр...

---