Өлең, жыр, ақындар

Нәресте дүниеге келген күн

  • 07.06.2022
  • 0
  • 0
  • 345
Дүниеге келген күнi нәресте
күнде өзiмiз еститiн
оқиғалар болып жатты ерекше:
боран болып бiр жерлерде iркiлдi iс;
қиырында аспанның
жарқ еткiзiп көзiн ашты бiр жұлдыз;
қанаттас ел бiр-бiрiне тап берiп
адам, адам жатты өлiп;
бұрын-соңды естiмеген ешкiм де
дауыл соқты Тынық мұхит үстiнде;
қанша тiрлiк, қанша үмiттi жалмаған
жарылды ғой сол күнi де бомбалар;
бiр елдерде пулеметтер абалап,
бiр жерлерде жер сiлкiндi ғаламат.
Дүниеге келген күнi нәресте,
күнде өзiмiз еститiн
оқиғалар болып жатты ерекше.
Әлем-жәлем бояулардай құбылып,
сумаң қақты суық сөздер сұғынып...
Бiр уыс боп жатты сол бiр нәресте
апасының бауырына тығылып!



Пікірлер (0)

Пікір қалдырыңыз

Тiл ұшына келiп-кетiп тұр бiр сөз

  • 0
  • 0

Тiл ұшына келiп-кетiп тұр бiр сөз.
Шашып-төгiп алардаймын бiр күлсем.
Жұлдыздардай, түндi түрткен тыншымай
тiл ұшына келiп-кетiп тұр бiр сөз.

Толық

Өзгеріс

  • 0
  • 0

Не боп кеттi азып-тозып өңiрiм.
Не боп кеттi бұрқап, түтеп өмiрiм.
Iше-iше қасiрет пен құсаны
Уға толы ыдыс болды көңiлiм!

Толық

Шағын алқапта

  • 0
  • 0

Саздарына үндердiң
Құлақ түр де,
Қара бiр:
Ерiнiнен гүлдердiң

Толық

Қарап көріңіз