Өлең, жыр, ақындар

Көшедегі күзгі ағаштар

  • 10.06.2022
  • 0
  • 0
  • 590
Кешегi салтанаттың тастап бәрiн,
мүлгiп тұр Мамырларым, Тастақтарым...
Тiзiлiп тұра қалған ағаштар-ай,
берместен көшелердiң қос қапталын.
Бұлт төнiп қайта-қайта аспаныма,
үнсiз тұр мәуелiсi, асқағы да.
Түтiгiп соққан желден түсе-түсе
селдiреп қалыпты ғой шаштары да.
Тiрлiктiң қалған-сынды ұйып қаны,
Қалғимыз ел секiлдi тұйықтағы.
Қарашы – ауырлықтан ағаштардың
Салбырап түсiп кеткен иықтары.
Аспан да жайлау құсап күйектегi
кешегi күн болып тұр күй еткенi...
Ақырын жел соқса да
тал-теректiң
сықырлап кетедi ғой сүйектерi.
Дым ауа. Бара жатыр тыныс бiтiп.
Тұрасың марғау тағы дыбыс күтiп...
...Қонышы бұж-бұж қара керзi етiктi
ағаштар көшеде тұр жұмыс күтiп.



Пікірлер (0)

Пікір қалдырыңыз

Жерлес теректерге

  • 0
  • 0

Сарғайған түздi сан жылдап
ораған жасыл желекке,
желпiнiп шықтың алдымнан,
балауса жерлес теректер.

Толық

Шертолғау

  • 0
  • 0

Бір күні мен
Өзіме өзім
Сыйыса алмастан
Қақ бөліндім:

Толық

Айбат

  • 0
  • 0

Қаhарландым! –
Бiр қолыммен
Тау шайқадым.
Бiр қолыммен

Толық

Қарап көріңіз