Өлең, жыр, ақындар

Мен сондай болдым

  • 12.06.2022
  • 0
  • 0
  • 588
Шәкiр Ыбыраевқа

Елiмдi
Ел етемiн деп,
Жерiмдi
Кеңейтемiн деп
Байыз таппадым!
Қылышымды
Қылдай жұқарғанша сермедiм.
Найзамды
Тебендей жiңiшкергенше сiлтедiм.
Жер қаптым.
Омалдым.
Дұшпанның мойнына
Жылан боп оралдым.
Тұман боп тұтасып,
Бұлт боп көштiм мен.
Күндi де кештiм мен.
Түндi де кештiм мен.
Дәрмен күткем жоқ
Ешкiмнен!
Қағып-қағып
Қанымды iштi.
Соғып-соғып
Сөлiмдi iштi.
Қайтпадым!
Омыртқамды
Күтiрлетiп үздi.
Қабырғаларымды
Бiртiндеп үздi.
Бiрақ ештеңе айтпадым.
Қарыстым!
Өлiп бара жатып та
Бөрiдей алыстым.
Мен сондай болдым!



Пікірлер (0)

Пікір қалдырыңыз

Жақсы сөз

  • 0
  • 0

Мен бүгiн
Жанымды майдай ерiткен
Жақсы сөз естiдiм.
Сол сөзден

Толық

Неге екенін білмеймін

  • 0
  • 0

Жалаңаш қолыммен
Аспанда
Шатырлап жатқан
Найзағайлардың бұтақтарын

Толық

Маймылдар патшалығы

  • 0
  • 0

Дедi ме екен: осылай бiр сынаймын!
Ықылысты нұры түсiп Күн, Айдың –
Патшалыққа ие болды маймылдар
Бiр күндерi қалауымен құдайдың

Толық

Қарап көріңіз