Өлең, жыр, ақындар

Төбелес

  • 16.06.2022
  • 0
  • 0
  • 482
Қаланың қақ ортасында
Алаңның
Тап ортасында
Екi қазақ төбелесiп жатыр.
Бiреуi бiреуiн
Баспен соқты,
Жерде жатқан
Таспен соқты.
Бiреуi бiреуiн –
Тепкiлеп! –
Қамырдай иледi.
Бiреуi бiреуiн –
Арам қатқан! –
Малындай сүйредi.
Еттерi –
Жыртылған шүберектей! –
Жалбырап сөгiлдi.
Тiстерi –
Жүгерiдей! -
Cаудырап төгiлдi.
Өшiгiп, ашынып соқты.
Бұғып қалып –
Бастарынан! –
Асырып соқты.
Бiрiн бiрi –
Қырқылған! –
Кеспектей еттi.
Ит тартып –
Жыртылған! –
Бөстектей еттi.
Гүрзiдей соққыдан
Беттерi быт-шыт боп
Бұзылып жатты.
Шықшыттары – iлмешектей! –
Үзiлiп жатты.
...Құдай-ау,
Бұл дүние не боп барады?!
Айнала қарасаң
Бiр қазақты бiр қазақ –
Аямай! –
Тонап жатыр.
Бiр қазақты бiр қазақ –
Аямай! –
Сабап жатыр.



Пікірлер (0)

Пікір қалдырыңыз

Қыл көпір

  • 0
  • 0

О дүниеге барғанда
Қыл көпiрден өтесiң.
Өтсең – өтесiң!
Өтпесең –

Толық

Домбыра

  • 0
  • 0

Жатқан кезде түн мен жарық арбасып,
жатқан кезде жұрттың бәрiн дарға асып
қаймықпастан айтқаны үшiн шындықты
көмейiне құйған оның қорғасын.

Толық

Парадокс

  • 0
  • 0

Босқа шаршап, сүрлiкпе
басса өмiрдiң мұң-зары.
Дүниеде, тiрлiкте
керi кетiп тұр бәрi.

Толық

Қарап көріңіз

Пікірлер