Темірхан Медетбек

Қарап тұр!

Бұл бетте «Қарап тұр!» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

17.06.2022
0
0
725

Менiң елiме,
Менiң жерiме –
Бiреулер
Теңiздердiң ар жағынан
Байлығымды басып алғысы кеп,
Кемелерiмен тасып алғысы кеп –
Бәленi басыма! –
Төндiрiп қарап тұр.
Бiреулер
Ормандардың
Жасыл көрпесiнiң астынан –
Алтын сақаға көз тiккен
Мыстан кемпiрдей –
Телмiрiп қарап тұр.
Бiреулер
Даланың ар жағынан –
Сай-салаға бойын жасырып
Санама қарап тұр.
Бiреулер –
Дуалға асылып
Аулаға қараған ұрыдай –
Алатаудың – ар жағынан! – асылып
Далама қарап тұр!

Темірхан Медетбек қарап тұр! Темірхан Медетбек өлеңдері

Пікірлер (0)

Пікір қалдырыңыз

Жиі қойылатын сұрақтар