Өлең, жыр, ақындар

Билер мен бектерге айтқаны

  • 04.12.2015
  • 1
  • 0
  • 5612
Абыл бірде билер мен бектердің алқасына кездеседі. Олар ақыннан өсиет, насихат өлең сұрайды. Сонда Абыл айтыпты:

Өлеңім сұр жорға аттың сүргініндей,
Қаңтардың қар бораған үргініндей.
Жаманмен мың күн жолдас болсаң дағы,
Жақсының болмайды екен бір күніндей.
Өмірің бір жаманмен өтсе болмас,
Өксітіп ерден дәулет кетсе болмас.
Ағайын сыйласпаса, тіріде оңбас,
Үдере бірге көшіп, бірге қонбас.
Онда - ойын, жиырма бесте желсің, бегілер,
Отызда ой тоқтаткан сенсің, бегілер,
Қырықта қыр басына шыққан бегілер,
Елуде еңкеу тартпай ма, білсең, бегілер.
Албөрі алпысында толған, бегілер,
Желкектей жетпіс жаста солған, бегілер,
Базарда басы шыққан боз жорғадай
Сексенде селкілейді басың, бегілер.
Тоқсанға рә жетсе жасың, бегілер,
Кіртиер кірпігің мен қасың, бегілер,
Қайтарсың жүз жасыңда райыңнан,
Жас кезгі даңқың қалмайды сол ойыңнан.



Пікірлер (0)

Пікір қалдырыңыз

Тойбастар

  • 0
  • 0

Әліпте жиырма тоғыз бірі – мим,
Білгенге өлең деген емес қиын.
Алқада қызыл тілді сайратайын,
Әлеумет, күнде болмас мұндай жиын.

Толық

Сексен бес жасында айтқаны

  • 0
  • 0

Жасымыз, бар сексеннің бесеуінде,
Сексен бес наурыз көрдім есебімде.
Біз қайта қалтақ-құлтақ етіп жүрміз,
Біздей шал бүлдірулі төсегінде.

Толық

Сексеннің біз де келдік жетеуіне

  • 0
  • 0

Сексеннің біз де келдік жетеуіне,
Жаманның ергенім жоқ жетегіне.
Біз байғұс қалтақ-құлтақ етіп келдік,
Біздей шал жатып қалды төсегінде.

Толық

Қарап көріңіз