Темірхан Медетбек

Құдай-ай, не iстейiн?

Бұл бетте «Құдай-ай, не iстейiн?» атты Темірхан Медетбек жазған діни тақырыптағы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

24.06.2022
0
0
762

Мынау дүние
Шоу жасап
Неменеге қуанып тұр?!
Дiнiм суалып тұр,
Тiлiм қуарып тұр.
Мына дүние
Шоу жасап
Неменеге куанып түр?!
Мынау заман
Ерең-серең,
Қалбаң-құлбаң
Көлеңкелер мен
Елестердiң заманы ма?!
Мынау алаң
Ерең-серең,
Қалбаң-құлбаң
Көлеңке мен
Елестердiң алаңы ма?
Бататын күн сияқты
Түңiлiп барам;
Құйылған құм сияқты
Үгiлiп барам.
Азуы алмас,
Аяғы орақ, —
Әлдебiр пәлелер
Шегiрткедей қаптап
Жасылымды орып барады...
Елiмнiң iшi
Ерең-серең,
Қалбаң-құлбаң
Көленкелер мен
Елестерге
Толып барады.
Құдай-ай, не iстеймiн?

Темірхан Медетбек құдай-ай не iстейiн? Темірхан Медетбек өлеңдері

Пікірлер (0)

Пікір қалдырыңыз

Жиі қойылатын сұрақтар