Сенi көрсем!

Сенi көрсем! —
Жан жүрегiмнiң шамдары
Тас атып сындырғандай
Өшетiнi несi;
Сенi көрсем! —
Тұла бойымнан тiкiрейiп
Шөңге мен тiкендер өсетiнi несi?!
Сенi көрсем —
Көңiлiмнiң көлiнде
Мұздар қататыны қалай?!
Сенi көрсем! —
Сөзiмде
Ызғар жататыны қалай?!
Сенi көрсем! —
Өзiмдi-өзiм
Бомба қып жарғым келедi;
Сенiң аяғың тиген жердi —
Киiз сияқты жинап ап! —
Қағып-қағып
Қайта салғым келедi...

---