Күшім жетпеді

Аспанға шығып
Бұлттың суын
Iшейiн деп едiм;
Алатаудың
Ақ басын құшақтап
Суретке түсейiн деп едiм.
Күшiм жетпедi,
Құдiретiм жетпедi!
Ормандарды соңыма
Ертiп кетейiн деп едiм;
Сол ормандардың лебiмен
Қуарып жатқан шөлдердi
Желпiп кетейiн деп едiм.
Күшiм жетпедi,
Құдiретiм жетпедi!
Елдiң шерiн өлең қып
Селдетейiн деп едiм;
Толқып, тебiренiп жатқан
Атыраудың үстiне –
Сары уайымнан
сарғайған! –
Сарыарқаны салып ап
Тербетейiн деп едiм.
Күшiм жетпедi,
Құдiретiм жетпедi!