Өлең, жыр, ақындар

Аяғы қырқылған кептер туралы жыр

  • 25.06.2022
  • 0
  • 0
  • 412
Сол бір көріністі
Еске алсам
Күйреп қирағандай
Боламын тас-талқан:
Көгілдір кептердің аяғы
Бір оңбағанның қолымен
Қырқылып тасталған.
Көгілдір кептерім-ай!
Сен үшін
Кеп-кең дүниенің
Бір уыс боп
Тарылып кеткенін-ай!
Сол бір кептерді
Құрып кеткір бұл тағдыр
Бір пәсте сан алдайды:
Бейшара кептер
Телеграф сымдарына да,
Ағаш бұтақтарына да,
Үйлердің шатырларына да
Қона алмайды.
Қона алмайды!
Қонбақ болады –
Бірақ амал не?! –
Қалбаң етіп
Құлап бара жатады.
Бейшара байғұс
Жылап бара жатады...
Қандай ауыр! —
Ірітіп жатқандай
Азаптың уыты етімді.
Сол бір кептер
Өз жеріне қона алмай
Аласұрып жүрген
Қазақтың рухы секілді.



Пікірлер (0)

Пікір қалдырыңыз

Ақындардың жарлары

  • 0
  • 0

Түспестен биiк өреден
аппақ боп тұрар арманы,
төзiмдiсiңдер не деген
ақындардың жарлары.

Толық

Қазақстаным менің

  • 0
  • 0

Жер шарының қартасында –
Еуропа мен Азия ортасында
Алтын астаудай боп
Орын алып тұрған;

Толық

Антенна

  • 0
  • 0

Өз бойынан өткiзген тасқын, ағын
экранның алдында қаншама рет,
Қаншама рет күлдiм мен, жас бұладым, –
селтиiп тұрғанда сен бұрышымда

Толық

Қарап көріңіз