Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Айлакер

Темірхан Медетбек

Айлакер

  • 25.06.2022
  • 0
  • 0
  • 619
Мына кісінің
(Тағы да!)
Жібектей есілтіп,
Желдей көсілтіп,
“Өй ” деуін-ай,
“Бүй” деуін-ай.
Қара кесектен
Қайрақ жасап,
Қара судан
Қаймақ жасап
Құбылтып сөйлеуін-ай.
Әр сөзі —
Май жаққандай! –
Иіліп, бүгіліп тұр.
Ал көздері
Бір іннен бір інге кірген
Тышқандар сияқты
Жүгіріп тұр.
Оны тыңдасаң –
Сіңірі шыққан кедейің
Домалап келіп бай болады.
Жұртта қалған тулағың
Тулап келіп тай болады.
Оны тыңдасаң –
Жоқ болар
Өкпе, наз –
Қайдағы-жайдағың.
Көдеден жіп ширатып,
Селеуден ине жасап,
Ебелектен тон тіккен
Неткен айла бұл?!

Темірхан Медетбек айлакер Темірхан Медетбек өлеңдері

Пікірлер (0)

Пікір қалдырыңыз

Ой, тоба-ай!

  • 0
  • 0

Таулар
Түйелердей тулап;
Ормандар
Жесiрлердей шулап;

Толық

Көктемгі көңіл-күй

  • 0
  • 0

Көктем.
Аялдама.
Жалғызбын.
Үміттің

Толық

Тымауратқан Алматы

  • 0
  • 0

Әлемнiң басқа қалаларынан
Тұмау жұқтырып алған Алматы
Күрк-күрк жөтеледi.
(Менiң ойымша:

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер